視頻聊天可以話方興未艾，呢種玩意衍生出嚟嘅「網聊妹」，係令萬千宅男沉迷上網嘅主因之一。據知內地有少女為咗搵快錢，不惜到色情聊天網站工作，向客人提供收費裸聊服務，可謂完全零付出，但輕鬆月入過萬，比賣肉嘅囡囡更好賺。
撰文：小德
裸體聊天並唔係新鮮事，喺內地網絡界，已流行咗一段頗長嘅時間，形形色色嘅色情聊天室，可以話多不勝數，即使相關部門不斷打擊，但依然十分猖獗，至於喺成人聊天室入面工作嘅女仔，大多數都係90後嘅少女，部分更係讀書唔多，因而一事無成。
唔少囡囡中學都未畢業，就算畢到業，亦只可以搵到售貨員、侍應等嘅工作，面對生活指數高企嘅時代，只靠微薄嘅收入，可謂非常辛苦。有見及此，部分女仔索性豁出去，到夜場做小姐，而另一個熱門賺快錢嘅門路，就係當上裸聊妹。
講起裸聊，相信唔少網友都親身感受過佢哋嘅威力，或者有人會質疑，單靠同客人裸聊，真係可以搵到咁多錢？事實上，資訊科技愈來愈進步，幾乎每個人手上都會有一部上網手機，為喜歡裸聊嘅人士帶來更多方便。客人去到邊就可以玩到邊，唔似以前放工放學至玩得，營業時間就可大大提升，而且裸聊妹唔會話你一登入就剝光豬，佢哋會慢慢逗你，冇消費一定嘅數目，都唔使旨意有得睇吓個胸，而且個個裸聊妹手下最少都有幾十名粉絲日日為佢燒銀紙，所以生意無憂。
據知情人士透露，以往囡囡月入三千元以上嘅唔算太多，但近年愈來愈多人愛上裸聊，平均一小時消費就要兩百蚊左右，囡囡可以分到一半，好彩嘅話做足八小時，一日就有八百蚊收入，為起嚟做十幾日就已經月入過萬。要有咁高嘅收入，囡囡嘅質素自然要高，由於囡囡只需對着鏡頭做出簡單嘅性愛動作，並唔需要埋身接觸，比起出嚟做小姐，工作輕鬆得多。再講，如果客人出得起價錢，要裸聊妹出街，佢哋一定會賺埋，所以加起嚟嘅收入十分豐厚，吸引到唔少高質囡囡加入，令市道更加興旺。