相繼有交通機構要求公帑補貼，難怪美國四仔界都希望有政府或大財團出手相助啦！脫星Roxanne Milana表示，目前收入大幅下跌，四仔片商推出一部作品蝕一部，長此下去美國四仔將會成為歷史！
歐美四仔界及脫星都希望州政府補貼，佢哋認為近年當地經濟轉差，失業率長期高企，令色情工業一蹶不振，假如再冇人伸出援手，遲早連四仔都要收檔。不過有歐洲色情行家表示，自己撈唔掂就搵人賴，呢啲生意係人都識做喎！咁又係噃，做生意預咗有風險，賺得少甚至要蝕錢就搵政府出手，咁求其搵個人做都得啦。而Roxanne Milana則認為，搵政府或財團出手，目的係解燃眉之急，同時為保全球色情王國美譽，佢解釋：「素來美國四仔都手執業界牛耳，歐洲都要睇我哋頭，若然美國本土四仔不斷向下滑，肯定其他國家嘅四仔都會被拖累，因此我認為四仔界搵人幫手係有必要性！」
阿妹講得偉大，無奈美國四仔質素不斷下降，相反歐洲正不斷崛起，難怪有網友表示美國四仔已走到盡頭，眼紅其他國家，所以想搵大財團注資以本傷人！而Roxanne Milana解釋：「咁諗實在太小人之心，須知道美國多年前已引入不少外勞，而呢班囡囡成熟後就返自己國家搞四仔生意，美國都冇任何意見，相反仲好歡迎，事關從事四仔界嘅都明白要做到成行成市，百花齊放對業界及觀眾都有益冇害，用陰謀論去諗美國四仔界實在太唔公道！」阿妹講得有理，但聽聞你哋對外勞嘅待遇都唔見得好，再者美國四仔脫星質素不斷下跌，四仔迷唔Buy你走去睇歐洲妹，都唔代表你哋冇責任囉！
出生日期：
1986年9月20日
三圍：
34D-24-34
身高：
5呎5吋
撰文：祖