內地有唔少鐘點女傭公司，由於競爭大，加上冇乜監管，部分提供上門女傭服務嘅同時，仲會提供埋色情服務，索性一箭雙鵰，等主人可以滿足生理上嘅需要。據講自推出之後，深受單身金領族嘅歡迎。
撰文：小德
據知情人士透露，呢啲另類女傭公司，大多數都會開喺新建小區嘅商場，表面就提供上門鐘點女傭服務，但如果知道你係單身一族，就會安排經過特別培訓嘅囡囡上門，較早前廣州有記者就深入採訪咗呢啲另類傭工公司。
記者話：「店內格局相當簡陋，只有一張枱椅，當你一個男人話想聘用鐘點女傭時，職員就會開始不斷問長問短，住喺邊、做咩職業，甚至有乜嗜好都想知道，閒談間充滿套料嘅感覺，當職員認為眼前客人可信之後，就會拎出一本相簿。」
打開頭幾頁都係阿嬸或者老太婆，見客人面有難色時，店員就會揭到相簿後面，裏面存放咗大量美女嘅相片，有部分更衣着性感，仲擺出誘人姿勢，客人當然心動，之後店員會跟客人討價還價，希望囡囡以最高價獲得受聘，從而賺取更高嘅利潤。
據講，喺店內掛單嘅美麗「鐘點女傭」，年齡介乎二十至三十歲之間，個個樣子身材有番咁上下，至於幫襯嘅客人，通常係三四十歲嘅單身男士居多。佢哋全是公司管理人員，一個人住，但就唔識做家務，於是正好成為色情販子嘅招手對象。
曾幫襯過嘅阿輝表示，呢種另類鐘點女傭真係好玩，約定咗逢一三五早上九點後嚟執屋，假如佢女友嚟過夜，大多數九點前就要返工，而佢自己上班時間較具彈性，可以等埋女傭偷食完至返工，絕對神不知鬼不覺，仲會多添一分不可言喻嘅偷食感。
問到阿輝點樣同「鐘點女傭」開始，佢話只要你喺屋企，佢哋就會主動出招，例如趁你沖涼時乘機提出幫你擦背，再唔係話幫你按摩，借啲意就撲埋嚟，囡囡每次幹完都要額外收三百蚊小費，價錢合理，難怪呢啲生意大受歡迎啦！