內地工廠妹嘅收入，最多兩千蚊左右，同一個桑拿妹嘅收入相比，當然係差天共地啦！而桑拿妹搵到咁多錢，又會點用呢？據調查原來有唔少囡囡，竟然攞自己辛辛苦苦賺番嚟嘅錢，拎晒去貼仔，但求對方生活得開心，自己就會開心！
「貼仔」二字，經常出現喺娛樂新聞，但其實喺內地夜場界都屢見不鮮，好似早前中山就有個叫小芬嘅桑拿妹，為咗氹自己男友高興，而不惜大灑金錢。小芬話：「我大約半年前認識佢，佢話自己喺廣州做啲小生意，所以經常都會四圍走，有次佢嚟桑拿玩揀中咗我，初時感覺冇乜特別，只係覺得佢係一個好健談嘅客人，之後佢嚟親中山就嚟搵我，我哋見面時，佢幾乎每次都會帶定啲小禮物送畀我，而最令我印象深刻，就係做愛嗰陣，佢唔會好似其他客人咁對我粗聲粗氣，粗粗魯魯，由於佢表現溫柔，令到我好舒服，過咗一段時間，我哋漸漸熟落起嚟，有時佢會專程嚟接我收工去食消夜，間中我亦會到佢所住嘅酒店過夜添！」小芬表示，呢個男人畀佢嘅感覺，同其他男人截然不同，當其時真係有少少鍾意咗佢添。所以想追求夜之女，真係好容易，最緊要外表斯文，荷包鬆動，說話玲瓏，咁就已經有九成機會，當然床上功夫亦都好重要，做小白臉真係要有啲本事至得。
再過一排，小芬終於同呢個男人喺埋一齊，最初兩人相處猶如一般情侶，男方亦向小芬表示唔介意佢嘅工作，總之雙方覺得開心就可以。最近，佢個男朋友就話生意上周轉不靈，希望小芬可以幫吓佢，否則之前嘅投資就會血本無歸。小芬為咗男友開心，不惜將全副身家十幾萬借畀對方，但男友仲話唔夠，小芬惟有向公司借糧，一共籌得四萬蚊交畀男友。小芬充滿希望咁話：「我月入大概萬五六蚊左右，所以借公司嗰三個月糧應該好快就搞掂，最緊要係男友繼續錫我，咁就乜都冇所謂。」問到擔唔擔心畀人呃，對方可能係一個騙徒，小芬諗咗一陣就話：「老實講，畀人呃就預咗啦！不過，只要佢呃得我開心，我諗都冇乜所謂嘅。」據知，現時小芬仍有跟該名男友聯絡，但見面次數已經冇以前咁頻密，真係癡情嘅囡囡。據桑拿老總透露，以前十個囡囡，有四個為父母、四個為子女出嚟打工，但家陣十個囡囡裏面就有六個係為自己男朋友嚟打工，當中有真情，但亦有不少詐騙，真係真假難測，所以應咗古人嘅一句話，就係「歡場無真愛」，囡囡們真係要帶眼識人呀！
撰文：小德