笑料！加拿大卑詩省羈留室內上演一幕女同豆腐騷，兩名羈留女子公然互磨，過程被閉路電視拍低，獄警當然大飽眼福啦！好笑係其中一位女子事後竟驗出對愛滋病呈陽性反應，係咪有心靠害先？而咁糊塗嘅事原來脫星Aubrey Addams都發生過，仲要財色兼失添！
被羈留女子事後控告市政府及涉事警員，都叫冤有頭債有主，但同人唔同命，脫星Aubrey Addams嘅糊塗事件就有冤無路訴喇！
話說初入行嘅阿妹，開工前一晚同友人劈天光，希望借助酒精令自己更易投入，床上表現更佳。入到片廠後，由於人生路不熟，加上有啲醉意，糊裏糊塗就入咗其中一個化妝間，或者因為冇人識，化妝師幫佢化好靚妝後，阿妹就走入廠準備拍攝，同時導演見各演員齊集就正式埋位開鏡。
本來阿妹接拍嘅係一套新人作品，主打自摸兼男女大戰各一幕，殊不知Aubrey Addams入錯廠，而該片正係拍攝變態性虐，阿妹仲要係被虐嗰位，醉醉哋嘅阿妹完全冇意識反抗，任由男優調教，一直拍到第三幕，六位男優齊上，完事後阿妹至問，點解仲未有脫星出現？片場上下都嚇到呆咗，至發現原來真正嗰位甩咗底，而誤打誤撞嘅阿妹入咗嚟。
性虐片拍完，但Aubrey Addams原本嘅四仔冇拍到，問題嚟喇，兩間唔同嘅公司，一方有版權，一方有片在手，究竟阿妹呢部性虐片點出街好呢？有片喺手嘅認為人力物力都出咗，既然係Aubrey Addams自己白撞，與人無尤，好應該將四仔出街，最多同阿妹公司對拆，而另一邊認為佢哋損失最大，推出性虐片補償唔到損失外，長遠亦影響阿妹形象，最後決定將段片買斷，但最慘都可算係Aubrey Addams，事關佢要同公司多簽五年死約，兼要分擔損失，財色兼失之餘，往後搵嚟唔夠賠，至今被同行笑足多年，年終要頒個最可悲脫星獎過佢至得囉！
出生日期：1987年5月25日
三圍：34D-24-34
身高：5呎3吋
撰文：祖