男友同你訂婚廿八年後至娶你過門，你肯唔肯嫁？哈，一般人都話難以置信，但英國一對工作狂情侶報稱太忙，結果廿八年後至拉埋天窗，家陣兩老已年過半百，生仔就冇望喇，祝佢哋白頭到老啦！而美國脫星界對此就認為係天方夜譚，理由係佢哋只會選擇閃婚，多一秒都唔等你囉！
點解咁多美國脫星鍾意玩閃婚？咪因為怕後悔囉，不只擔心對方後悔，事實係脫星本人都怕心有不甘，無他嘅，若然對方有財有勢就冇所謂，假如搵錢少過自己，性能力又曳過男優，咁呢位伴侶真係要認真諗過囉！好似Raven Alexis咁就錯過一次大好姻緣，話說喺佢入行兩年時，有位才俊睇中佢嘅氣質，先同阿妹拍拖，繼而同居再談婚論嫁，點知心高氣傲嘅Raven Alexis認為自己有條件搵到更好，不出五年地位同財力都比對方優勝，最後決定Say No！結果係點呢？相信大家都估到九成。無錯，悔婚嘅阿妹經過三年喺四仔界闖蕩，至由脫星仔變到今日有啲名氣，但始終都未叫一姐，錢搵到啩！想引退，發夢都嫌太早！
後悔就肯定啦，Raven Alexis更自爆呢幾年不斷自動搵男伴，試過拍拖同居，可惜都係差一步。當中有男友嫌棄自己職業，亦有發現自己唔愛對方，經歷一段又一段感情創傷，阿妹發現都係原地踏步。細佬認為當事人得到嘅教訓足夠結集成書，而Raven Alexis亦表示唔會再對愛情有任何幻想，假如有男人埋身，又合眼緣嘅就會簽紙結婚喎！「對愛情有太多憧憬，對伴侶有過多幻想，反而跌得更痛，人一世物一世，我決定結婚後再算，即使最後離婚收場，起碼都叫嫁過開心過！」吓？咁同寧濫莫缺有何分別，不如考慮吓我呢？
出生日期：1987年1月28日
三圍：34D-24-34
身高：5呎5吋
撰文：祖