球星偷食竟成國際大新聞，偷食並非重點，純粹係老人家要告社交網爆料而辣慶大英子民啫！提起偷食，同樣喺英國搵食嘅Anna Lovato就各走極端，阿妹不但想成為知名球員嘅偷食名單之一，更希望傳媒挖佢情史，可以日日見報，提升名氣咁話喎！
球員偷食事件近年已成為國際知名參考指數之一，假如你冇偷食過、事後冇被傳媒踢爆，可見你紅極有限！同一時間被人嗒過嘅姑娘人氣身價例必三級跳，總之就財色兼收啦！所以話以後咪一味話囡囡至係受害者呀！好似裸模界Anna Lovato咁吖，阿妹喺呢行浮浮沉沉四年幾，幾乎乜都撈齊，鹹書寫真女郎、網上真人騷、成人節目主持、性玩具代言人等，雖然冇話搵唔到食，但大錢就唔到佢囉！難怪當事人終極願望係成為球星偷嗒名單之一，藉此借傳媒爆佢大鑊，咁就人氣急升啦！
無奈等咗咁耐似乎都冇人揭佢瘡疤，同時球星又未睇中佢，Anna Lovato喺節目上都暗示心淡。不過現實要食飯，點都要剝落去。佢話：「一直留喺英國發展，係因為清楚了解英國佬係最愛背妻偷食嘅男人，甚至偷食後完全唔覺內疚，而背後嘅女人亦唔當係一回事，喺咁嘅道德環境底下，對於我哋剝衫搵食非常有利，但原來亦因為咁，大家見怪不怪，完全當無事發生，講到尾都係靠運囉！」嘩！Anna Lovato浪費咁多青春等偷食，到頭來得個吉，不如考慮過美國發展，攬唔到足球明星，都仲有一班籃球猛將吖！
出生日期：1985年4月23日
三圍：34C、24、33
身高：5呎5吋
撰文：祖