平日有做運動嘅女仔，身形特別健美同婀娜，而且成個人仲散發出陽光氣息，一舉手一投足都予人活力十足嘅感覺，諗起都覺得吸引，而內地索模施柳屹就有呢種特質喇。身高5呎6吋嘅阿妹，三圍有34-23-34，身形高挑又充滿曲線美，所以自從成為平面模特兒後頗受歡迎，而佢演出嘅時候又唔錫身，經常以露出度極高嘅形象見人，因而令施柳屹人氣高企，並且得到內地網友嘅支持。
翻查資料，發現施柳屹身懷絕技，曾經憑住一副好舞藝，贏得2002年中國國際拉丁舞銀獎，以及第56屆世界小姐北京總決賽十佳之一、最佳才藝獎同最具活力獎等等。由於施柳屹又靚女又好身材，兼且夠活潑，所以曾獲邀參演香港電影《荒村公寓》，而內地電視劇如《一米陽光》、《中國刑警》等阿妹都有份參演。
噴血度：***
養眼度：****
百變度：***
評分（以五分為最高）
網址：www.moko.cc/yuanlovebox
撰文：賢