記得以前有唔少玩家，都鍾意落D場玩，除咗因為D場玩得夠High外，又可以過吓目及女癮，而當中以後生嘅玩家居多。不過時至今日，唔少D場都變咗做貴價場。唔單止酒水價錢貴咗，囡囡嘅要求亦都高咗！有資深嘅內地D場玩家就話：「以前落D場玩，想目及到女嘅話最緊要打扮得夠潮，使錢又夠豪爽，自然得囡囡歡心。不過家陣唔同晒，只係想憑呢兩點，就以為目及到女嘅話，可以話絕對冇可能！」
呢位玩家解釋，家陣嘅囡囡唔再只係睇呢兩點，仲會睇埋玩家嘅行頭，名錶同靚衫固然唔少得，飲嘅酒仲要係貴價硬嘢，先至會走埋你張枱度。我就問佢係咪只係一啲貴價場係咁咋？佢就笑道：「廠區嘅平民D梗係另計啦！不過對我哋呢啲蒲友嚟講，梗係想去一啲人氣高嘅潮D，而家陣嘅潮D就係變成咁！」佢仲話有名錶同有靚衫，只係可以氹到一啲高質囡囡埋嚟，如果想玩埋下文嘅話，起碼要有架貴車先至得！喂！我哋呢啲過江玩家點會喺內地有車呀？佢就話：「你唔發覺家陣嘅D場，愈嚟愈少香港玩家，反而愈嚟愈多內地客咩？佢哋使同玩都勁豪，我哋又點同佢哋比呢？」
撰文：大軍