「想同我做愛嗎？」咁挑逗性嘅問題只會出現於四仔情節，但早前英國倫敦火車路軌旁上演一幕索女主動勾搭五少年性戰，結果被火車乘客目睹報警，而辯方律師就以缺乏自信心為由替囡囡求情。之不過脫星Katie Summers就認為索女自信滿瀉至真，事關阿妹都係咁嘅人喎！
喺歐美當脫星，有樣有波當然最好啦！但冇都可以靠淫頂替，好似Katie Summers咁，講身材樣貌佢都未算標青，好在佢死剩把口，深明挑逗男人性慾之道，所以每次上場例牌講一大堆鹹嘢，幾淫都可以出自佢把口，衞道之士話佢零道德，但四仔迷好受落，有咁多老細撐場，日講夜講又何妨喎！
對於英國妹勾引青年玩群交，心理學家指囡囡本身對正確行為有認知困難，求情律師話缺乏自信，但Katie Summers則覺得剛好相反，話囡囡非常清楚自己想要乜，同時自信十足至敢對陌生人提出要求喎！阿妹話：「事實擺在眼前，換轉你係英國索女，會夠膽向五名陌生青年搭訕，然後提出性交要求嗎？莫講話五名，就算一名你都唔敢，畀盡你只會選擇上網，因為毋須出樣出聲，畀人拒絕都冇咁Hurt！」的確畀阿妹篤中死穴，難怪細佬幾十歲都仲係處男啦！
脫星之所以咁肯定英國妹係出於自信，理由係佢自己都係咁嘅人，Katie Summers解釋未入行前都試過類似事件，不過結局就被人誤以為惡作劇，令阿妹信心直插谷底，到最後要加入四仔界重拾自信！「數年前一個派對上，認識到幾位心儀猛男，為免錯失機會，於是我趁佢哋圍埋一齊時，就衝上前要求佢哋搞我，但對方以為我飲醉，更離譜到叫姊妹送我返屋企，真係失禮死人！自此，我多年來唔敢再同人提出性事要求，亦未曾發生性行為，但冇性生活原來好難生存，最後我鼓起勇氣加入脫星界，憑我積壓多年嘅性幻想，用把口爆晒出嚟，男人都估唔到原來我咁淫蕩！」
撰文：祖