男士北上花天酒地，蒲酒吧亦係其中一個熱門選擇。皆因有啲男士鍾意玩溝女，溝嘅過程雖然開心，但都要注意人身安全。有玩家報料指，武漢有酒吧內嘅囡囡，藉辭要男士送佢返屋企，點知入屋後就即刻閂門撩開波，否則唔會畀佢哋走。咁樣屈法，仲成世界嘅？
喺武漢裝修精緻嘅酒吧有好多，而且啲囡囡出名火辣，相頭又好，故此係唔少男士夜蒲嘅選擇。不過早排有男士指，有啲酒吧內嘅囡囡，借醉酒為名，實為屈男士打友誼波，提醒大家小心免墮陷阱。據講呢啲酒吧主要係一啲劈吧，而所謂劈吧即係主打平價酒水，亦冇囡囡陪嘅嗰種。呢啲老屈嘅囡囡，就經常喺酒吧出沒。佢哋入到酒吧後，就會成班人坐咗喺吧枱度飲酒，其實喺佢哋玩緊嘅同時，有人會周圍物色獵物，當中佢哋會特別留意一啲一個人，或者得兩三個麻甩佬嘅枱，然後趁機埋身。為咗博取獵物嘅注意，通常佢哋飲得一陣，就會趴晒喺吧枱度，然後再由一個「清醒」嘅姊妹出去「釣魚」。
姊妹會先走埋去只得一個人嘅男士身邊，並同佢講話有幾個姊妹飲醉咗，但係得佢一個人，孭唔到佢哋返屋企。為咗得到男士信任，佢會指姊妹只係住喺附近，孭過去好快就到，唔會阻佢好多時間云云。由於呢啲囡囡嘅衣着火辣，加上呢個姊妹嘅演技出色，同埋個樣又夠省鏡嘅緣故，故此可以博取到男士嘅信任，然後會孭住其中一個囡囡走。可能有人會問，咁其他嘅囡囡又點算呢？據中過招嘅玩家指，呢位負責「釣魚」嘅囡囡會話仲要搵其他人幫手，交低姊妹個地址畀上咗釣嘅男士後，就會叫佢走先。不知就裏嘅男士，就會跟住去做。
孭住個衣着火辣嘅囡囡返屋企，話唔心郁就係假嘅，最重要就係呢位「醉娃」入到屋後，就會當住男士面前剝光豬玩色誘。若然男士唔夠定力嘅話，咁就大件事喇！事關完事後「醉娃」就會突然酒醒，並要脅呢位男士畀錢。如果好彩嘅話，一千幾百就搞得掂，否則會被對方清袋。咁係咪如果冇行動嘅話就會冇事呢？梗係唔係啦！如果囡囡見到男士冇行動，兼仲想走嘅話，佢就會即刻起身閂門，撩對方畀錢入閘，否則就會話對方意圖不軌。因此，對玩家嚟講，就算有冇行動，結果都係一樣。如果唔想中招嘅話，最好嘅方法，咪唔好做好人囉！
撰文：阿豪