點至可令女人慾火焚身？英國有報章話經神經科專家指出，女性大腦喺控制性慾方面有如飛機駕駛室般複雜，會先考慮是否需要，又鍾意懶浪漫搞氣氛至撻得着，不過脫星Dani Daniels話呢啲全屬廢話，只要有錢在手，任何女人都可以好似男人咁簡單直接喎！
銀紙在手就可以令女性慾火焚身，咁呢啲應該係假裝興奮，都唔係出自真心嘅！Dani Daniels認為呢個世界男歡女愛冇真心，講錢先至係最真！
細佬以為本地至有拜金現象，原來十萬八千里遠嘅美國都無分別，有人陪都總算安慰！「咪係囉，講到底銀紙就係王，冇錢冇女人係真理，有嘅係奇迹！同樣道理套落性事上，畀個靚仔你，有修養兼識搞浪漫，性能力非凡，唯一衰冇錢，問你會興奮嗎？因此要成功撻着女人性慾，廢話少講，Show me the money！」精彩呀！Dani Daniels道盡男歡女愛心聲，冇錢真係做鬼都唔靈架！
Dani Daniels嘅極端「銀紙論」並不代表細佬及各女士立場，所以各位聽完就算，毋須對號入座！但值得注意嘅係，阿妹的確言行合一，絕無講一套做一套，就以佢嘅四仔為例，片酬少啲就算係大製作阿妹都一律拒拍，而私底下嘅Dani Daniels亦從未傳出過不檢點行為，皆因阿妹奉行No Money No Talk，當事人認為一夜情冇錢又蝕底嘅行為，係天下間最愚蠢嘅事，要搞梗係同老細搞啦！「活於商業社會，衣食住行玩樣樣用錢，有錢可提升生活質素，有錢可買回時間青春，要我浪費時間喺冇利益事上，單係諗吓我都驚，仲話要我做，你冇病嘛？」好在坊間女性未去到你咁極端，否則細佬想出嚟偷食，可能真係要返飛機駕駛室揸飛機喇！
出生日期：1989年9月23日
三圍：34D-24-34
身高：5呎6吋
撰文：祖