大炮強：小弟一生之中有一件憾事，就係某晚同班朋友落酒吧。而一名朋友就帶咗幾個女仔一齊玩，其中一個甚為吸引。於是我就借醉行兇，向呢個女仔摸手兼攬腰。之後，朋友先講畀我知，該女仔正係同佢剛剛開始拍拖嘅女朋友。
鮑魚姑爺仔：其實呢種事時有發生於我身上，因為我實在太靚仔，搞到好多朋友嘅老婆或者女友，都對我甚為嗒糖，食飯或者落酒吧嘅時候，佢哋都會趁我朋友行開，向我拋媚眼，甚至伸手嚟摸我大髀添。
梅花三鹿：之前有個女同事主動嚟溝我，又話男友對佢唔好，又話好悶，跟住拉咗我去飲酒。在酒精催化之下，我哋兩個當然有下文啦。不過，當我趁佢沖涼嘅時候，偷偷打開佢銀包一睇，至發現佢男友原來係一個男同事，幸好唔算好熟落，唔係我良心真係過意唔去。
肥騰騰：我朋友成日同老婆鬥氣，有一次去唱K，撞正佢哋兩公婆有份出席，成晚我朋友就掛住同其他女仔吹水，佢老婆睇唔過眼，就係咁纏住我，向我勾勾搭搭，好彩朋友都知道老婆係同佢鬥氣，所以冇嬲我。