搞掂拉登，奧巴馬話公義得到彰顯，而同樣身處美國嘅脫星Sindee Jennings呢期亦表示自己嘅地位得到彰顯。點解？皆因阿妹入行五年來，一直係銷量保證，無奈片酬及待遇都不及一眾姊妹，終於當事人以「最後一剝」作威嚇，即時得到公司關注，升佢上神枱！
發窮惡唔係人人都得架！假如你想成功，就要學似阿妹咁有Power至好試，入行快近五年嘅Sindee Jennings，由於當時年少無知，同一間大片商簽咗七年生死約，片酬低，待遇差，絕對係不合理嘅廉價勞工，好在阿妹自知係新人一名，冇同公司計較，默默耕耘，努力不懈，總算得到外界認同，而有佢演出嘅作品，即使只係大茄一名亦保證暢銷，對得住自己更對得住公司！
不過做好人未必有好報，公司見阿妹咁砌得，當然繼續畀佢擔正，雖然話密食當三番，但日做夜做冇人工加，士氣低落之餘更覺待遇不公平，忍咗四年，Sindee Jennings決定唔再啞忍，要向公司爭取合理權益！
爭取唔係話嗌兩聲就有，學似Sindee Jennings咁，都經歷多年至有今日待遇，原來阿妹起初同公司主動開聲提前解約，結果被對方以拖字訣回應，拖拉咗三個月都冇回覆；阿妹再以生病為由拒絕開工，點知公司非常有良心，請埋私家醫生到佢屋企為佢醫病，當然大家都知道發生乜嘢事，最後阿妹又乖乖哋返到床上搏殺。
軟功無效，惟有用硬功，阿妹話要玩大佢，失驚無神同傳媒講拍完手頭上嘅四仔會離開四仔界，公司當堂搵阿妹照肺，最後達成共識同佢續新約，以為就咁擺平，點知佢再對傳媒話要認真考慮。阿妹解釋：「片酬無疑係合理，但待遇尚未同一線脫星睇齊，以我嘅人氣及號召力，冇理由同佢哋有距離！」Sindee Jennings一開聲，片商即時做嘢，往後每次開戲，阿妹有優先權選擇角色，連男優、戲服都有得揀，難怪影迷都話Sindee Jennings地位終得到彰顯，計我話係貪得無厭就真啦！
出生日期：1986年7月7日
三圍：34C-26-35
身高：5呎4吋
撰文：祖