經常聽到啲喺北京定居嘅老友，話北方嘅囡囡性格開放又主動，最重要就係質素相當高，要靚樣有靚樣，要正偈有正偈，既然今次有機會去北京玩，梗係要落去見識吓啦！有老友就約我哋夜晚十點，打的去工體西路等，話有好地方介紹。當我哋落車後，就發覺呢度的士高林立。識我嘅朋友都知道，我對的士高嘅興趣其實唔大，皆因好唔鍾意啲咁爆嘅音樂，加上我又唔係咁鍾意溝女。
老友同我講話如果想領略北方美女風情嘅話，就一定要去見識吓，我哋惟有跟住佢，去到其中一間中小型嘅的士高。雖然個名唔係咁多人識，但係氣氛卻相當好，場內嘅男女比例更幾乎係一比一，唔似得一啲D場咁，四圍都係狼狗。埋枱嗌咗支硬嘢，老友就問我哋有冇睇啱嘅囡囡。正當我老友想行動之際，突然有四條女走埋嚟，問我哋可唔可以一齊玩，佢哋咁索就梗係得啦！老友好快就同兩條女出去跳舞，剩番兩條就夾住我哋玩骰盅，途中更請食波餅，又會咁主動嘅？飲到兩點幾，其中一條女就話想瞓，然後就問我哋住喺邊。心水清嘅老友梗係知佢想點，結果就食咗個FOC，過程真係回味呀！
撰文：大軍