聽聞過氣大隻佬阿諾因為衰不忠，結果被老婆飛起，現正辦理離婚手續，查實類似事件喺歐美實屬平常，事關一街都係火辣索女，做男人又真係幾難忍嘅！但同樣衰不忠嘅脫星Courtney Cameo，居然又得到萬千寵愛噃！
社會不公平嘅事又多一例喇，正係Courtney Cameo衰不忠後行大運，影迷愈吸愈多、四仔長拍長有，一個字講晒，發！話說阿妹入行已有五年，都算係行頭老前輩，點解今日至走紅，咪因為前公司唔掂當囉！當年Courtney Cameo年少無知，以為求其簽間四仔片廠就有人捧，結果簽着間唔起眼細廠，連老闆在內唔超過十人，最搞笑係老細之一都係脫星一員，閒時亦要落場「客串」同男優執兩劑，咁搞法，莫講話公司冇長遠策略，就連幫阿妹接Job都幾乎冇人理，就係咁，佢由一心一意當脫星變成公司打雜，化妝整頭，置裝開車一腳踢，公司見佢咁抵得諗，梗係錫到佢燶啦！
無奈當事人剝衫嗰團火仲未熄，捱足三年後，終喺一次拍寫真機會下認識鹹濕攝影師，由於對方極度鹹濕，事後介紹阿妹簽約另一間大廠，Courtney Cameo至有機逃出生天。
有人賞識實屬好事，更可增加議價能力吊高嚟賣，呢點Courtney Cameo都識，之不過佢嘅難關正係要背叛老闆呢！阿妹解釋：「雖然入行頭三年都冇四仔拍，但公司上下都對我好好，當正我親人一樣照顧，更教曉我不少四仔幕後技能，但始終我最想做脫星，享受燈光下同男優瘋狂搞嘢兼夾萬千影迷為我而驚嘆！反覆考慮過後，我決定離開細片廠改投有發展潛力嘅大廠！」咁就啱喇，好可惜如Courtney Cameo所料，舊公司用盡一切渠道唱衰阿妹不忠不義，但效果竟然令佢更多人留意兼同情，原來外界都覺得以Courtney Cameo咁有條件嘅索女，匿喺冇運行嘅公司內猶如暴殄天物。哈！本來想吠人，家陣畀人反咬一啖，呢啲咪叫唔衰攞嚟衰囉！
出生日期：1981年12月4日
三圍：34DD、24、34
身高：5呎6吋
撰文：祖