最近上海被發現有條髮廊街，裏面總共開咗十幾間疑似色情髮廊，每晚入夜之後，髮廊就會坐滿青春少艾、衣着性感嘅囡囡，加上五顏六色嘅光管，令現場變成紅燈區一樣，但呢條髮廊街並唔係開喺橫街窄巷之內，而係公然開喺大街之上。
撰文：小德
位於上海閔行區世博家園外嘅友誼河河邊，近幾個月出現了一個奇景，就係每到入夜，整列十多間嘅小店，會開着粉紅色嘅燈光，希望吸引客人光臨，小店裏面乜嘢都冇得賣，但每間店都坐着五六位妙齡少女，個個花枝招展，衣着暴露性感。
好明顯呢啲小店，就係所謂嘅色情髮廊，客人入去可以揀選自己喜歡嘅囡囡，收費大約百五至二百五蚊不等，按質素而定，至於包啲乜嘢，稍後再講，客人揀好囡囡之後，就要帶囡囡離開，並唔係喺現場進行交易，當地唔少老友都會走嚟幫襯。
客人帶囡囡出街，可以去酒店開房，亦可以帶佢返自己屋企，再唔係去囡囡屋企都得，最主要係囡囡出街唔可以多過一小時，所以客人要爭取短聚嘅時間，最常見就係跟囡囡去附近嘅炮房交易，呢啲炮房有啲係囡囡嘅宿舍，有啲係雞頭安排嘅民宿。
咪以為呢啲民宿唔使錢，囡囡會問客人收番二十至三十蚊嘅房錢，而裏面設備十分簡陋，房間得張床，有部冷氣，其他乜都冇，短聚完畢，就要拿拿臨離開，因為如果生意好，隨時門口已經有人排住隊，但奉勸咪玩一王雙后，因為張床實在太細啦！
而佢最大嘅特色就係開喺大街旁邊，沿住友誼河望過去，好似去咗外國嘅紅燈區一樣，由於夠晒特色，所以吸引唔少老友嚟幫襯。
由於呢條髮廊街實在太過張揚，所以有關方面就喺今個月頭採取行動，一共拉咗49名女子返警局協助調查。不過佢哋冇喺現場進行交易，所以都唔知告佢哋乜嘢好？見到報道有啲囡囡仲大模大樣喺掃黃期間繡花，真係勇者無懼。有網友就話呢啲色情髮廊一定要嚴厲取締，但亦有網友話佢哋自成一國，夠晒特色，應該保留，唔知大家又支持邊一方呢？