最近美國四仔界爆出有男星證實染上愛滋，一度引起恐慌，其實這類事情，每年總會發生一兩次，只係無人理會咁解啫！不過最近女星Jana Foxy就決定強制男優戴套，事關佢近年片約不斷，搵埋唔少，開始識得錫身。所以佢同公司力撐，強制所有對手戴套，如果唔肯戴就罷拍咁話。
Jana Foxy入行以來，一向都好拚搏，打真軍當然係佢嘅強項，仲有經常打野戰，同男優力戰到底，好多影迷都係鍾意佢夠搏，不過佢近年因為夠紅，片約不斷，自然搵埋唔少，所以開始識得保護自己，如果唔係有錢都無命享。其實為咗所有演員的生命安全着想，戴套上陣係有必要的，再加上依家後期製作咁先進，可以將個套用特技執走，所以Jana Foxy一出聲，就有好多女星和議。
「其實所有女星都係片商嘅生財工具，如果有咩損傷或者賴嘢，即係斷自己嘅財路，一啲着數都無，所以不如花多少少錢，利用後期特技，將個套執走佢，咁演員就可以全部戴套上陣，出來又有真軍效果，觀眾開心時我哋又安全。」
佢仲話呢幾年愛滋病愈來愈嚴重，而且業界發生太多賴嘢事件，好多演員嘅生命都無保障，就嚟保險公司都唔肯受保，咁佢哋即係搵命博，片酬又無加多啲，如果情況再持續，之後仲邊有人肯入行，到時無片拍，對整個行業都無好處。
「我依家都處於半退休狀態，梗係要為其他姊妹爭取福利喇！雖然我唔係好有錢，但總算可以生活無憂，但係好多姊妹仍然係處於搏殺階段，唔可以話唔拍就唔拍，有時明知搵命博都要做，真係好慘o架！所以我今次一於挺身而出搞工業革命，就算我退休之後，都可以名留四仔界。」
三圍：34B-25-34
身高：5呎5吋
年齡：26
撰文：荒木