人慾搜尋器：開朗又火辣李部

雖然柔情似水又帶點憂鬱嘅女仔，非常惹男人憐愛，不過如果有得揀，開朗活潑嘅女仔點都排第一，因為性格開朗，自然滿面笑容，而且識主動同你溝通，好過要你花費心機至博得紅顏一笑，若然加上身材火辣的話，呢種女仔更加要搶住認識添啦！就好似模特兒李部就係嘞！李部係內地模特兒界出晒名嘅開朗少女，個嘴成日都笑吟吟，非常惹人喜愛，即使阿妹唔笑，雙眼同嘴角都會微微翹起，正係師傅教落嘅嘴角含春喇。

除咗樣子吸引，李部副偈都唔講得笑，五呎七吋嘅高挑身形，加上34-24-35嘅三圍曲線玲瓏，火辣過人，如果十分滿分，我會畀九點五分！由於李部咁好身材，所以喺2010國際時尚超模大賽中國總決賽得到季軍，於第四屆蜂鳥網攝影模特兒大賽仲得到冠軍添。