上屆奧斯卡影后珊迪娜布洛，其丈夫Jesse James曾經爆出偷食醜聞，事件在荷里活轟動一時。更吸引了美國知名四仔成人片商，將這單醜聞拍成小電影，並由Taryn Thomas扮演影后，大隻男星Marty Romano扮演Jesse James，四仔更以夫婦參加性愛輔導，最終和氣收場作結尾，內容令人爆笑。
美國成人小電影王國Hustler，眼見外界對珊迪娜布洛丈夫Jesse James的偷食醜聞十分感興趣，即刻食住條水，開拍了一部以此事件做藍本的四仔，這部四仔名為《Hustler's Untrue Hollywood Stories : Jesse James》，女星Taryn Thomas有幸擔正扮演珊迪娜，不過，好多四仔迷睇完之後，話A貨珊迪娜的樣貌與身材，跟正版相距甚遠，搞到Thomas鬼咁尷尬，佢話自己從影以來，都未試過畀人咁樣彈法。
「我初初聽到影迷嘅意見，都好傷心o架！不過後尾諗通咗，如果我有珊迪娜咁正，就唔做四仔女星喇！佢收入比我多出十倍都唔止，一定有出入㗎喇！所以影迷都唔應該咁挑剔，而且人人都有強項，如果佢同我鬥床上戲，實輸畀我喇！」
這部四仔內仲有一位飾演Jesse James情婦的角色，由紋身女星Alexis Grace擔演，雖然外形都係唔多對路，但係佢勝在演得夠放，令觀眾留下深刻印象。就連Jesse的愛犬也有在四仔中出現，製作其實都相當認真，不過就係選角有點偏差而已。影片除了不乏一般的男女大膽情慾戲之外，仲會加插女同志式性愛場面。最搞笑就係結尾時，A貨姍迪娜與 A貨Jesse參加性愛輔導後，二人便和好如初，更加愛對方，逃過離婚一劫。
「現實生活中，珊迪娜就無咁好彩，佢真係同老公離咗婚，不過我覺得佢做得好啱，如果係我，仲要鬧爆佢先離婚，呢啲男人唔使留戀，出去滾都不特止，仲要有幾個情婦，真係好唔尊重女人，所以根本唔值得女人愛。」
撰文：荒木