最近香港人對政府施政有好大不滿，好似最低工資以及各類公共交通工具加價等等，都令市民生活更形惡劣。不過，大家有怨氣不如出一口氣，就去參加美國洛杉磯即將舉行嘅DOMCON啦！
要疏導怨氣，最重要就係靠溝通，而要溝通當然就係彼此有互動同交流啦。美國洛杉磯SM展覽會DOMCON嘅主辦人Mistress Cyan就深明呢個道理，仲表示透過玩SM溝通交流正是一個良好方法。於2004年，已經係知名SM女王嘅Mistress Cyan眼見外界對SM愛好者存在歧視，因此令唔少SM愛好者都有多少不滿，甚至怨恨。為咗令大家能夠了解到SM嘅好玩之處，進而將SM意念推廣為一種生活態度，於是就喺洛杉磯舉行DOMCON，希望將呢個盛事變成SM愛好者與外界互動了解同溝通嘅橋樑，促進彼此互信共融。
自首屆開始，DOMCON就成為世界SM界嘅一大盛事，而未來嘅一屆將會於5月18至21日舉行，不論大家是否熱愛SM，入去觀摩，保證大開眼界，事關嗰度可謂精英匯聚，大量專業又資深嘅SM專家會落場擺檔，毫無保留咁示範畀大家睇吓自己嘅高超手藝。而SM技術當中，最具代表性嘅項目之一，當然係繩縛技術啦！一班SM專家玩呢味嘢可以算得上係出神入化，甚至可以稱之為一種藝術，除咗能以快速手法將一個人綁到成隻大閘蟹咁，其人身上嘅繩結仲可以構成圖案，更加可以將被綁者輕易吊起而不受傷害，一句講晒─好堅呀！
由於SM專家夠晒專業，參加DOMCON嘅朋友除咗可以從其上乘繩縛手法中偷師，亦大可放心接受專家綑綁。另外，如果唔想自己短暫失去自由，但係又想體會SM嘅滋味，一樣有方法，除咗可以欣賞舞台上嘅表演，仲可以向場內嘅SM女王請教。當然，閣下要請教就先要付出，代價就係自己嘅肉體。SM女王熱愛表演，你想搵佢討教就要成為佢嘅奴隸，畀佢用高跟鞋踩，又會畀佢用皮鞭鞭撻，不過佢哋最常玩嘅正係打屁股，原因可能係早前有報告指出，打屁股同被打屁股都有助排解怨氣，加上打屁股嘅道具近年愈趨多元化，成為近年DOMCON嘅必備表演環節，唔怕屁股受罪，又想出一口怨氣，不妨搵女王打幾吓啦。
撰文：賢