大笨豬：小弟結婚多年，與伴侶恩愛如昔，約半年前於夜店認識一名情婦，我倆打得火熱，直至近月身體檢查時發現患上性病，醫生表示起碼要半年停止行房，無奈家中嬌妻偶有需要，本人已多次用各種藉口推卻，長此下去不知如何是好？
十三公子：哈，呢啲咪叫報應囉！又話恩愛如昔，但另一邊又出去偷食，即係賤男一名啦！既然已推無可推，不如坦白從寬，如實同老婆解釋或有轉機。
大淫豪：蛇咬都唔好畀另一半知呀！否則對方申請離婚你就一身蟻！佢有需要閣下唔一定要真槍實彈滿足啫，用口用手一樣咁爽，呃呃氹氹好快半年過去啦，蠢豬！
齊人：師兄嘅情況細佬都試過，雖然我唔知你嘅性病係邊種，不過可以肯定半年冇可能斷尾，除非你清心寡慾，不食人間煙火啦！趁依家嗱嗱聲睇專科，然後話畀老婆聽性功能出現問題，要休戰罷啦！
住家男：乜呢個世界仲有你呢啲咁蠢嘅男人存在！要瞞女人方法多的是，其中一招叫人為意外，最簡單係屋企沖涼扮跣低，交足戲話整傷「大陣」，你老婆一年半載都唔敢「郁」你啦，仲攞埋最佳影帝，乜都唔使做，爽死！