有錢使得鬼推磨！呢期內地豪客多，香港嘅夜總會未能滿足，益晒澳門場多到做唔切！深圳及常平夜場睇唔過眼，竟然出現搶女情況，有夜場負責人同我講，原來年頭開始已重金留女，不論質素如何，只要肯留低一律有着數，例如免制服費、免宿舍費或有薪假期都曾試過，當然要視乎質素而定！經理話：「呢行流失率實在太快，超高質嗰班跑晒過馬交搵食，剩低啲冇床上經驗又唔識執生嘅喺場度，作為一間大場，人客一定不能接受！」
內地夜場開始明白口碑勝於一切係好事，因此有夜場情願冇錢賺、贏口碑都唔益人哋！難怪近期常平有囡囡同人客開價三千短聚，竟然有價有市！據媽咪表示，出得呢個價嘅得兩類人，就係台灣佬及內地暴發戶。前者就毋須多解釋，但後者出奇地係寧波或天津北方富戶，佢哋落完香港、馬交玩，跟住再兜返嚟東莞一帶偷食，最後至喺深圳或廣州搭飛機返歸。媽咪解釋：「你當啲北佬傻嘅咩？既然去邊度玩都係食北姑，點解要出外食呢？所以去香港就『濕平』，去馬交就食泰妹，返嚟至搞件北妹，唔會畀人呃，又有親切感，大膽講句，往後單係做北佬生意都有排爆場呀，咁你話啲女我哋點會放人呢？」
撰文：大軍