你同我都會問，裸體爬山有乜好？據大會解釋，若然要身心合一親近大自然，最終極方法係放開一切生活枷鎖，咁先可達致與大自然融為一體，破除恐懼感以及虛榮心咁話！哈，阿Sir你就講得輕鬆，雖然古人話「欺山莫欺水」啫，但攀山咁危險，冇保護衣物點掂呀？好在訓練班分為3級，由最低級全副攀山裝備，及有保護衣物學攀山，直到中級就只穿內衣褲，到最高級連裝備都飛走埋，玩裸爬！但請放心，要爬到最高級，導師話起碼都要3至4年專業訓練，閒時仲要Keep住練習至夠料喎！裸爬咁有益身心，細佬都好想學，但報名前可以話畀我知有幾多女學員先得嘛？
撰文：祖