早幾日有幾個老友去澳門玩番幾手，結果大有斬獲。跟住有人提議，不如去珠海食個靚飯，兼搵囡囡嚟個快餐。有老友話要返屋企交人，未必嚟得切，當時望吓隻錶，只不過係七點幾，前後加埋應該用四個鐘度，應該夠時間。其實老友係條鹹蟲，一直想偷跳好耐，加上喺朋友嘅言語攻勢下，佢決定出發。一班人去到先食個靚飯，跟住再去桑拿度玩，然後各自攬女入閘，過程不知幾咁開心。
所謂快樂不知時日過，睇番隻錶嘅時候，已經係將近十二點！成班人就雞咁腳咁衝去拱北，睇吓嚟唔嚟得切衝關，點知結果都係嚟唔切！呢個時候老友不知幾咁騰雞，問有乜計仔，可以呃到老婆話返唔到去。最後佢哋眾志成城，終於度到條屎橋，勉強氹到個老婆可以第二日至返去。其實香港都已經廿四小時通關咗好耐，點解澳門今時今日都仲未得o架！
撰文：大軍