有指本地校服加價超過五成，真係好過去搶！而另一邊美國四仔界，見慣見熟嘅性感制服都喊加價，有四仔片商更將費用轉嫁喺脫星身上，難怪姊妹都叫苦連天，而脫星Alisha King決定將着過嘅所有衫褲變賣，藉此幫補一下！
從來脫星喺四仔內嘅制服，不論胸圍底褲或性具，一切都由製片商包底，但近年逐漸出現一種包薪制，公司邀請脫星演出，但酬勞就包括一切開支，換句話講，脫星開工時要自己請化妝師、髮型師，甚至上床時嘅制服都要包埋！有脫星表示呢種做法有好有壞，好處係由脫星親自請人彈性夠大，例如用慣某位化妝師，雙方會較有默契，化妝靚同時慳時間，毋須每次都由唔同人代勞，達到雙贏局面。之不過脫星並未能保證對方收入，因此收費相對會較高，有時會出多一倍以上，令脫星難以負擔！連脫星Alisha King都話：「脫星講求包裝，因此必定會起用出名化妝師，奈何公司不會包底，要由脫星自掏荷包，變相減薪！」個個都話好無奈，但為競爭求存，都要被迫接受！
要靚又豈止一個妝容或髮型呢？因此脫星每次上場都有大量「戰衣」，不過今日就由脫星自備，Alisha King表示要顯現完美一面，自備戰衣無可厚非，不過制服亦係消耗品，每次床上大戰，總會意外將制服弄污或扯爛，即使完好無缺，為保持新鮮感亦不能重着，感到非常無奈！「查實同一道理，公司出面購買制服，必定比脫星便宜，但現今將制服費用轉嫁畀脫星，做法既浪費金錢亦不環保，所以我決定將每一套着過嘅制服放上網拍賣，估唔到價錢比原價還高，總算可補助一下！」咁咪幾好囉，脫星爭相變賣有味制服，話唔定他日搞到上市都唔出奇呀！
出生日期：1986年5月27日
三圍：36DD-24-34
身高：5呎5吋
撰文：祖