由於工作關係，小弟成日都夥拍攝影師，外出拍攝美女相片。不過發現相片好多時都欠缺一種味道，因為一啲模特兒都只係徒具美貌同激凸身材，表情、動態都表現唔出應有韻味，所以我成日都叫佢哋不如學吓內地嘅專業模特兒，例如梁曉蕾就係一位充滿味道，而且仲係狂野味道嘅高質模特兒喇。
今年22歲嘅梁曉蕾身高5呎9吋，三圍就有34-23-35，高挑得嚟又有肉地，雖然上圍數字唔係特別大，但係只要一托一夾，又深又長嘅事業線就出晒嚟！不過咁都未算，梁曉蕾最吸引嘅地方，就係拍寫真同廣告嘅時候，眼神運用得宜，要瞇眼表達享受，或者瞪眼露出渴望又得，加上動作夠放，不時帶出令人熱血沸騰嘅狂野感覺，真係好正呀！大家如果想感受一下，就要上梁曉蕾嘅網站喇。
噴血度：***
養眼度：****
百變度：****
評分（以五分為最高）
網址：www.moko.cc/20100220
撰文：賢