家陣人民幣匯率咁高，加上內地好多食物都出現問題，搞到身邊好多北上夜蒲仲勤力過返工嘅朋友，個個都打晒退堂鼓。不過，留港消費都唔係壞事吖！一來交通上慳時間，二來唔使成日左瞞右騙隻老虎乸，話自己北上有生意傾，又話自己返上去辦貨，良心責備少好多架。而一眾留港夜蒲嘅朋友就話我知，如果想玩得更抵，最好就係學識上網，因為好多夜遊討論區會為會員提供資訊，最正仲係有優惠券，一次消費可以慳一至兩舊水，慳慳埋埋夠玩多一轉。
撰文：祖