大隻標：我同老婆結咗婚八年，近年要睇完AV，至能夠讓支炮升旗，才可順利同老婆行房。點知近幾個禮拜，我發覺睇普通題材嘅AV，已經唔能夠進入狀態，反而睇啲走後門片，至能夠令我成事。究竟係咪普通嘅性交，已經唔能夠滿足到我呢？
小玲子：你所講嘅普通性交，係咪指走前門呀？其實我覺得睇乜嘢AV題材都唔重要，最重要就係你心態嘅問題。從你個個案嚟睇，好明顯你係對老婆嘅肉體冇咗份新鮮感，先至令你支炮咁難抬頭，試吓玩情趣玩具，可能會有幫助。
炸彈人：好肯定你唔走後門嘅話，好難進入作戰狀態啦！如果你覺得想試吓嘅話，大可同你老婆講，問佢可唔可以試吓畀你走後門囉！不過我就覺得畀老婆拒絕嘅機會居多，你都係諗過第二招，可以令你抬起頭嘅方法啦。
旅遊過客：我覺得你太過依賴AV喇！你以前之所以抬得起頭，無非係因為片中嘅畫面，能夠令你想入非非。家陣之所以睇走後門片有反應，亦係呢個道理。其實我覺得最好嘅方法，就係同你老婆傾吓，搞吓新意思可能更有效！