美國的速食文化已經根深柢固，除咗食物之外，連獵男獵女都一樣有速食文化，仲有唔少速食派對產生，就算係中產階級嘅靚太，都一樣心急如焚，在豪華大宅內搞起各式各樣嘅速食派對，趁老公出外公幹，就要快手快腳偷食一番。
其中有間MRS Club每個月都會搵一間豪華別墅舉行速食派對，會員全部都係專業人士或中產，現場衣香鬢影，人人着到鬼火咁靚，仲要飲香檳食魚子醬，但兩杯到肚，好多靚太嘅狼相就會原形畢露。佢哋唔會玩矜持，事關參加得派對的，都係平時食唔飽嘅女人，難得出嚟食快餐，一定會好心急，唔同你扮矜持。
好多靚太平時雍容華貴，儀態萬千，但係一去到呢啲派對，就會唔理三七廿一，睇中就會主動磨爆對方，搞到大家都慾火焚身就最好。其實佢哋都好慘，老公雖然係專業人士，收入夠晒豐厚，但係就成日唔黐家，更加唔得閒餵飽老婆，於是呢班食飽無憂米，但係細妹又餓到死嘅靚太，惟有參加呢類速食派對食餐飽。佢哋特別鍾意啲大大隻，表面睇好似好砌得嘅男人，費事埋牙之時，餵唔飽就掃興喇！
不過當主辦單位發覺女會員太多，男會員不足以應付需求的時候，佢哋都會請外援，就係職業鴨仔，不過在派對當中一定唔可以暴露自己嘅真正身份，就算同靚太即場有下文，都唔可以畀佢哋知道係鴨仔，事關靚太們嘅目的係要同咁上下身份嘅男人玩吓偷食，絕對唔係想叫鴨，所以主辦單位一定要將啲鴨仔打扮成高檔專業人士，魚目混珠。幸好場內的靚太玩時玩，一定堅守唔上身的規則，才可以長玩長有。
撰文：荒木