利比亞停火無望？只怪狂人卡達菲寧死不屈！奈何歐美四仔界原來都好瘋狂，皆因為趕及復活節黃金檔期，各路片商誓要搶灘出新碟，難怪脫星叫苦連天，忙到連床都落唔到喎！而脫星Carol Goldnerova更直言，由呢一秒開始要砌到暑假至可重見天日喎！
一眾脫星有工開仲咁多聲氣，難為我哋香港仲嘈緊最低工資，低技能嘅勞力隨時連份工都冇埋呀！因此現役脫星好應該感到慶幸，但脫星Carol Goldnerova喺個人網誌留言話近年四仔界復甦當然值得興奮，大部分脫星都能受惠，奈何冇人性嘅工作量令脫星抖不過氣，積勞成疾，床上停火無望！
阿妹更話一眾片商高層好應該正視！原來Carol Goldnerova嘅意思係指工時過長，原來一幕六十分鐘拍完嘅床上戲，偏偏要半日時間至拍得好，究其原因，係因為要遷就其他演員檔期喎！阿妹解釋：「今年度的確超多新四仔開拍，加上3D四仔逐漸成熟，令脫星更多發揮機會，奈何片商間冇任何協議，大家為咗部戲搶住脫星唔放，令部分同時簽約多部四仔嘅脫星未能準時出現，當然脫星都有責任，但其實問題可以避免，只怪四仔片商太自私！」
Carol Goldnerova坦承自己係受害者之一，由於前年四仔界經濟不景氣，為求自保，低價同多間四仔片商簽訂片約，直到近月至開始接拍，所以即使頻頻曝光，阿妹實情並未真正受惠，又難怪咁重怨氣嘅！Carol Goldnerova話：「收入並非重點，要強調嘅係有始有終，作為一個四仔大國，絕不能有返工冇放工，廿四小時為四仔候命，完全冇私生活可言，咁搞法，我失去嘅比得到更多，四仔界絕對有需要改革，令片商同脫星可以健康發展！」要改嘅又豈止四仔界吖？既然阿妹對四仔咁唔妥，何不考慮捱過難關後，自組公司出四仔，到時咪冇人逼你上床囉！
出生日期：1980年11月25日
三圍：34D-25-36
身高：5呎9吋
撰文：祖