我哋中國人一向都好保守，有關性事嘅話題通常都唔會於公眾場合談論，不過外國人就唔同，除咗唔將性事當係禁忌，更加不時舉行成人博覽，兼請埋性學專家廣開課程，今次為大家介紹嘅呢個禁忌展覽（Taboo Show）就係當中典範喇！
呢個禁忌展覽簡稱為Taboo Show，而全名就叫做Taboo Naught but nice sex show，顧名思義，呢個展覽以打破性禁忌，宣揚性事可以玩得頑皮，但係又可以好體貼好親切。每年禁忌展覽都會舉行幾次，最近嘅一次將於四月八日至十一日舉行，而地點就係加拿大一個叫做Red Deer嘅地方。每次主辦單位都會於展覽場館內開設大量攤位，邀請來自世界各地嘅情趣玩具生產商到場，原因係佢哋認為推廣情趣玩具，可以令夫妻性生活變得愉快，令夫妻之間有更多有關性嘅話題。而有別於一般成人博覽嘅地方，就係推廣情趣玩具嘅推銷員唔係性感美女，而係生產商派出嘅設計人員，雖然無甚吸引力，但係勝在形象正派，講解情趣玩具嘅使用方法時更有說服力，亦令參觀人士容易接受。
單係情趣玩具銷售同推廣，一來唔能夠滿足參觀人士嘅娛樂需要，二來亦會令展覽充滿商業味，絕對唔係主辦單位嘅一杯茶，所以為咗令現場氣氛變得熱鬧，開放大家嘅眼界，以及令大家一直緊閉嘅性知識門戶打開，場內設有大量精彩又有味嘅表演，例如係家陣時興嘅鋼管舞，亦有高難度嘅性感美女空中飛人，火辣嘅情趣內衣天橋騷，以及模特兒光豬上陣嘅人體彩繪騷，統統都有齊。上台表演嘅舞孃以及模特兒個個都想剝就剝，露胸、擘腿、瞇眼伸脷等等挑逗又意淫嘅動作都做到足，作為男觀眾真係睇到眼都凸，而女觀眾亦可以將佢哋當為學習對象，唔怪得禁忌展覽次次都人頭湧湧啦。
講明禁忌展覽係為打破大家對性嘅禁忌而設，主辦單位都明白到，要達到呢個目的，要先為大家講解一下性唔一定係猥褻同淫穢，所以單位會請來好多性學專家，於場內開設攤位向大家講課，教大家打開心靡，盡情盡興咁享受性愛。而呢類性學講座都只係適合初階人士，因為學懂享受性愛之後，就要將玩意升級，例如學吓玩SM！呢一方面，由SM專家負責嘅特別講座就可以幫上一把喇。SM專家將會請來女助手作親身示範，如何將綑綁藝術、鞭打藝術玩得淋漓盡致，如果要學就要洗耳恭聽喇。至於學習意欲更加旺盛，想親身體驗一下SM嘅快感，SM專家一樣無任歡迎！
撰文：賢