同志森：好多男人去到中年先出櫃，就算有晒老婆仔女都一樣要轉，所以你女友轉向一啲都唔奇，依家咩年代，咪平心靜氣問佢囉，佢都唔願意同你做愛，你仲要人幫你吹，佢更加唔愛你喇，你都唔顧人感受。
自己友：你女友轉向唔緊要，呢個世界大把女人，依家仲話成街都係剩女，怕咩呀！佢最緊要快啲同你講清楚，唔使等你好似禁慾咁，又唔敢出去偷食，但係屋企又無得食。
Van仔雄：我話你應該快啲飛咗佢，做女友嘅本分都做唔好，咁點樣娶佢做老婆，既然無前途，不如早早分手，費事又話你浪費佢青春，女人好麻煩，佢飛你好哋哋，你飛佢就發晒癲，所以唔適合就要快啲講清楚，唔好拖。