日本有風俗網站做咗一項調查，訪問咗一百名風俗孃，問問囡囡上班前最鍾意做乜？相信好多人會以為佢哋搵咁多錢，有時間一定會去搶名牌，但原來買名牌竟然十大不入，想知道一班囡囡有乜嗜好？馬上同大家揭曉！
一般風俗孃都係黃昏六、七點返工，一直做到第二朝四、五點左右，返到屋企起碼要瞓到三、四點至起身，喺呢段時間，佢哋最喜歡做乜呢？即刻為你公布！第5位係買日用品，做呢行比較得閒嘅時段唔係半夜就天光，根本就冇嘢買到，所以一定要趁開工前掃貨！第4位係飲下午茶，一來啱啱起身，食啲嘢再返工，可滿足生理上嘅需要，二來下午茶時段，好多名店都有特價，入去食嘢，仲可以滿足埋心理需要添。第3位就係做運動，唔少囡囡都會選擇做個幾鐘帶氧運動，希望保持身體健美。
去到第2位，相信大家一定估唔到，原來係上網或者打手機，特別係一班年輕囡囡，佢哋起身後可以乜都唔做，即刻上網或者玩手機，一直玩到夠鐘返工都唔捨得停，最後搞到裙拉褲甩，攞住部手機趕返工，佢哋都仲可以繼續Online緊，問你服未？
至於第1位就最正路，囡囡拋得個身出嚟搵食，當然要執正儀容啦，所以唔少囡囡會喺返工前走去做吓美容或者整吓頭髮，據報搵錢愈多嘅囡囡，愈會把握時間裝扮自己，所以話天下冇唔靚嘅囡囡，只有懶惰嘅囡囡，呢句話真係冇錯嘅！
撰文：小德