近期北上發現，內地夜總會主要由同胞撐起，連駐場經理都表示港客逐漸減少，相信人仔港紙匯率差價係最大關係。多咗同胞撐場當然係好事，但同時亦多咗一批女客源，經理解釋不少公司高層都係女士揸莊，佢哋亦唔介意落夜總會同人客傾生意。經理話：「假如一面倒係女PR陪飲，感覺就好古怪，有部分女強人甚至要求我哋提供男PR陪坐搞氣氛，有錢搵梗係冇問題啦！」
經理表示經過半年時間，培訓咗一批男PR，佢哋職責係服侍貴賓房內嘅女性，我心邪諗「服侍」係咪解陪瞓，但經理就好決絕咁話：「人客之間純粹傾生意，男女PR都唔會上房搞嘢，開心完一晚就走！『服侍』嘅意思其實係玩吓魔術表演，陪人客唱歌同最主要係頂酒，因為女人落夜總會傾生意，另一方一定係男性，就算唔飲得都有條仔撐住，咁就唔使冇Face啦！」明白晒，不過男PR嘅坐枱價竟要一千元三粒鐘，乜都冇得搞？照咁講啲生意額都好大喎？
撰文：大軍