呢鑊認真杰撻撻。美國精神醫學會正式將性沉溺（Sex Addict）界定為精神病一種，換句話講，多位自認性愛成癮而加入四仔界嘅脫星，變相成為精神病患者，難怪業界怒轟當局處理不公！之不過受害者之一嘅脫星Rita Faltoyano就笑吟吟話成為精神病脫星值得慶賀，莫非阿妹真係Short咗，變咗「癲」姬？
根據歐美嘅研究顯示，性沉溺問題不只係有錢有面嘅名人「專利」，坊間亦愈來愈普及，美國有精神科醫生就話每星期例牌有一至兩個新症求診，而澳洲個案亦正在上升，可見呢種精神病，你同我都有可能中招o架！點至可以避免？上少啲鹹網，睇少啲四仔或者有幫助，但脫星Rita Faltoyano則認為可笑兼多餘，阿妹解釋：「色情資訊避無可避，況且畀你避得過，做人又有乜意思呢？其實性沉溺或稱為精神病又有乜問題，只要自己知道發生乜嘢事，用不傷害人嘅解決方法就可以啦！以我為例，未入行就清楚自己性愛成癮，無時無刻都想發生性行為，當我獨處時就自娛解決，有伴侶時就同對方上床Happy，大家都享受箇中性趣，呢種精神病，個人認為一世醫唔好都冇所謂！」Rita Faltoyano真豁達，即使患上精神病都視為無物，小弟服得五體投地囉！
Rita Faltoyano不但認為大眾過度敏感，甚至歡迎性愛成癮嘅患者搵佢解決，事關阿妹直認色情工業都係藝術一種，當兩位或以上嘅性沉溺患者走埋一齊，產生嘅性愛火花必定意想不到。Rita Faltoyano話：「一般嘅四仔採取流水作業式拍攝，男女床上前奏繼而埋身肉搏，非常奄悶，難怪四仔滯銷，導演及脫星都上唔到位，相反，只有兩個性愛精神病者床上碰撞，至會有出其不意嘅招式發生，令人眼界大開，因此我自認係精神病患者，實情就係話畀各位知，我嘅性技超乎一般脫星，想同我鬥？砌多一百幾十件先講啦！」照Rita Faltoyano咁講，睇怕佢嘅精神病已到無可救藥階段，假如一日連脫星都冇得做，肯定會病發身亡囉！
出生日期：1980年8月5日
三圍：34C-24-35
身高：5呎2吋
撰文：祖