最近娛樂新聞中嘅「霜峰戀」被炒得熱烘烘，老實講，呢單新聞我就冇興趣，因為拍拖談戀愛冇分對與錯，而對於我哋一介普通市民亦根本冇關係。不過，女主角潘霜霜我就會多加留意，因為霜妹樣靚之餘，身材極正，上圍仲有成36D，不知幾多男人嘅鼻血就係因為佢而犧牲！而講到擁有36D嘅內地美人，艾尚真亦係其中之一，美艷程度以及身材激凸度同潘霜霜不遑多讓。身高有成六呎一吋嘅艾尚真，三圍有36D-24-36，夠高挑又夠豐滿，所以曾奪得中華小姐冠軍，及後仲成為國際級名模，除咗貓步舞台，世界各大型車展都有邀請艾尚真出任車模。另外，由於艾尚真真係索得交關，內地綜藝節目都時有搵佢做嘉賓，而阿妹唔只睇得，仲有一把好歌喉，難怪成為內地網民心中嘅宅男女神呀！大家想欣賞一下艾尚真嘅艷光，就要到阿妹嘅微博喇！