家陣啲八九十後囡囡，好興學人紋身，所以大家去夜總會玩或者骨場，就會發現好多囡囡都有紋身。而喺台山就有間夜總會，竟要求所有三陪囡囡都唔可以有紋身，無論係幾隱蔽或者幾細微嘅紋身，一律都唔可以，令唔少囡囡都望而卻步。
呢間夜場點解會有咁嘅舉動呢？據負責人講，係應顧客嘅要求，原來十個客人裏面專登搵紋身妹嘅，可以話一個都冇，對囡囡有紋身冇乜所謂嘅，佔四個人左右，餘下六個人就係接受唔到囡囡有紋身嘅，既然咁多人接受唔到，就有佢嘅巿場。
於是夜場就決定要個個囡囡都「肉」潔冰清，身上一啲紋身都冇，客人聽到覺得好新鮮，就算夜場乘機加價，佢哋都趨之若鶩。至於加價原因，原來就係等囡囡多一百蚊小費，囡囡賺多咗，客人高興，間場變得有特色，此舉簡直一箭三鵰，值得學習。
撰文：大軍