日本嘅夜總會，就算達官貴人成日去幫襯嘅高級場，原來都係樓上舖仔一間，同內地嘅夜總會相比，有時真係一間貴賓房都比佢哋大。但近年內地樓價急升，唔少大城巿變得寸金尺土，於是就有老闆偷偷搞咗間細細哋嘅會所嚟試水溫！
呢間位於成都嘅私人會所，開咗喺巿中心嘅商業大廈裏面，佔地唔係好大，裝修有啲類似銀座嘅夜總會。當中有個大廳，用梳化分開好幾個小區，另外有五六間貴賓房，但都係以細房為主，每間房只坐到八至十人，最大一間房就只坐到廿人左右。
如果係內地嘅豪客，就會嚟唔慣呢啲小型會所，因為場面太細，要嚟招呼客人，實畀客人以為自己冇錢請客！但咪以為呢啲小型會所嘅客人就係農民工，查實佢哋專門招呼年輕嘅專業人士，佢哋三五知己出嚟小飲，又想有囡囡陪，於是就嚟呢啲會所玩。
會所嘅經營模式亦有啲似銀座夜總會，囡囡每日六點前返工，公司安排化妝整頭，七點前要裝好身正式開工，但客人一般都會八點後到達，一直玩到十二點左右，就會慢慢離開，而會所就會一點後收工，而囡囡亦都一樣要等到一點後至可以收工走人。
有口痕友會問囡囡唔係要跟客人出街嘅咩，做乜咁晏至畀收工呀？原來呢度講明囡囡係唔可以出街嘅，老總更報稱所有囡囡都係金魚，唔係木魚，如果客人要有另類服務呢度恕不提供，係咪好High呢？馬上令客人肅然起敬，但囡囡又係咪咁諗呢？
呢度有個別嘅囡囡係可以有下文嘅，但手續就比較麻煩。第一，要成為熟客至考慮，第二，要買請假鐘，呢度嘅囡囡係以鐘頭計小費，一個鐘大約一百蚊左右，由七點到零晨一點工資就係六百蚊，如果要早走，冇日薪外，仲要補六百蚊畀公司。
即係話街鐘就要六百蚊，至於囡囡嘅肉金，大家可以照三六九制嚟推算，短聚都過千。但由於小費高，坐枱都六百蚊日，所以吸引唔少白領、模特兒同大學生嚟客串，囡囡質素絕對有保證，相信呢種日式會所玩意，好快就會喺全國遍地開花。
撰文：小德