最近日本某大風俗雜誌做咗一項問卷調查，訪問咗當地二百個風俗娘，當中有銀座小姐，亦有浴室娘同埋制服女郎，問吓佢哋開工時，邊一款髮型最能夠惹起客人嘅性趣。今日就同大家披露前5位，答案幾值得同業參考。
先講吓第5位，原來係短直髮，囡囡話呢個髮型充滿青春活力，就算囡囡年近三十，梳個短直髮，望上去都會年輕啲，所以深受客人歡迎。第4位係長直髮，女孩子清湯掛臉，形像畀到人斯文大方嘅感覺。
第3位輪到長曲髮，大家睇AV片都睇得多，一啲豪放型癡女，經常留一頭長曲髮，配埋化妝同潮流打扮，望落去又真係幾性感嘅，唔少男人都以佢哋為性幻想對象，而且實際上，唔少現職風俗娘都係咁打扮。
去到第2位，就係孖辮妹，囡囡一束起兩條孖辮，就算三張幾嘢，都會畀人回到少女時候嘅感覺，馬上後生晒，而且大部分男士都對孖辮妹情有獨鍾，只要囡囡一紮孖辮，佢哋嘅性慾就會特別旺盛，能夠佔據排行榜第2位，不無道理。
至於第1位，相信好多朋友都估唔到，竟然係將頭髮盤起！風俗娘話，女人將頭髮盤起露出頸部，極易惹起男士嘅性慾，據雜誌社推斷，同以前日本女性着和服有關，當時唯一有肉睇嘅地方就係後頸，因而成為男士性慾來源嘅重要部位。
撰文：小德