「廿四小時，一個電話，保證四十分鐘內速速到！」以上並非快餐店外賣廣告對白，實情係內地江門為男人降火外賣速遞。有傳係因為髮廊優質化，為迎合玩家速食心態，試搞囡囡外賣，結果反應理想，電話落柯打外，集團更開設網站方便招客，嫖友幾時有需要都歎得到！
囡囡外賣速遞價錢由二百至八百不等，視乎地點、質素、玩法及時間而定，一般半小時車程到達又冇特別要求嘅服務，三百五十元內就可搞掂。想玩非常簡單，頭一次可先到髮廊同雞頭落一百元訂金，以後就可致電外賣熱線，雞頭即會安排囡囡上門服務，貨到付款。生客亦可由熟客介紹，同雞頭講出熟客電話號碼就可要求上門，連訂金都慳埋。
究竟外賣速遞有乜好玩？點解人客連囡囡樣貌身材都未見過，就會咁大膽起筷？有玩家就指，呢種服務性在肉價夠平，女源質素有保證，因此玩家目的只在乎一洩而非求玩索女。另一方面，叫外賣玩家嘅通常係有家室男士，趁嬌妻出外就嗌囡上門速戰速決，完全冇手尾跟！
外賣速遞喺江門快速崛起，全因買賣雙方各取所需，買方玩得方便，而賣方可減低經營成本，只照柯打辦事，甚至連掃蕩機會都大幅減少。有雞頭表示可以專心搵更多新女：「以往囡囡主要集中係髮廊妹及鳳姐，而家愈來愈多援交加入掛牌接客，有柯打就出動，佢哋唔使坐定定等運到，作為雞頭又唔使養住佢哋，簡直雙贏！」
可惜呢種冇監管嘅玩法亦開始變質，較為有外賣經驗嘅妹豬當熟悉接客程序後就自立門戶，以折扣優惠搶客，雖然對嫖客嚟講，外賣速遞競爭愈大自然愈得益，但有玩家表示，新入行嘅囡囡手腳唔乾淨，曾上門服務後財物不翼而飛！玩家話：「當日囡囡上門就要求我先沖涼，然後到佢沖，直至完事後都相安無事，但當佢離開後我就發現我隻過萬元手錶唔見咗！好明顯係對方偷走！」雖然無法證實及追究，但玩家表示經過今次，以後叫外賣都唔會上門，情願到附近賓館解決仲安全！
撰文：祖