好快又到復活節，據講有夜場早兩個幾星期，已經準備定復活節活動，要囡囡扮晒復活兔嚟招呼客人。由於間夜場有成百個囡囡，於是出現燕瘦環肥各類型嘅兔女郎，用七國咁亂嚟形容一啲都唔誇張，反而客人唔介意，仲話各有特色仲有味道添。
呢間位於衡陽嘅夜總會，係巿內數一數二嘅大場，每晚嚟做三陪嘅囡囡有近二百人，由於復活節就到，加上今年又係兔年，於是老總忽發奇想，要所有囡囡以兔女郎裝示人。囡囡為咗搵食一於照做，但係由於個個心目中嘅兔女裝扮都唔同，於是八仙過海，各顯神通。雖然個個囡囡嘅材料同顏色都各有千秋，但勉強都可以分出三種特色，一種就係歐美式兔女郎裝，貼身一件頭配絲襪、高踭鞋，頸上仲有小煲呔；第二款就係日式兔女郎裝，以可愛顏色配迷你短裙仔，特別性感，絕對人見人愛。
至於第三款就係Cosplay造型，囡囡嘅手手腳腳同埋重要部位，會以毛毛質地嘅布料包裹，睇落性感之餘，摸上手仲好有感覺，搞到客人愈摸愈上癮。據講活動啱啱展開，客人都十分欣賞，因為無論邊款囡囡入嚟坐枱，對佢哋嚟講都驚喜滿分。
生意火爆原來仲有原因。佢哋留有一招殺着，就係囡囡出街，可以應客人要求，帶埋套兔女郎裝上房，點解帶上房？唔使畫公仔畫出腸，囡囡入到房會再次換上兔女郎裝，大玩制服誘惑，客人一個價錢可以玩埋好少玩到嘅制服遊戲，自然拍案叫絕。
有人會問囡囡點解又會咁合作呢？無他嘅，有變裝嘅囡囡全部可以優先上枱，到真係所有兔女郎都上過枱，客人都揀唔到囡囡嘅話，先至畀冇參加嘅囡囡上枱，佢哋返工可能成晚坐冷板，所以大多數囡囡都肯合作，希望每晚都優先搵到枱上賺取小費。
至於價錢方面，坐枱價錢冇變，小費仍然係三百蚊人仔一晚，短聚就六百，但就不設包夜服務。唔知係咪生意好，啲囡囡想走多轉，所以唔肯包夜，但點都好，兔女郎呢個活動咁受歡迎，相信好快就會喺全國遍地開花，吹返落嚟深圳就發達啦！
撰文：小德