北京上海嘅夜總會高級人所皆知，早幾年我大軍都有見識過，五千人仔一鑊短聚，縱使囡囡超高質，但食完都覺得肉痛。而印象中，當地嘅夜總會服務非常高質，尤其知道閣下係外地人仲會特別殷勤，無非係想博取更多貼士，但早前有幾位師兄話，旅遊期間去夜場視察，至發現今時唔同往日，夜總會門口竟掛牌表示要整齊衣着，底橫膠拖當然拒絕，但連圓領Tee、牛仔褲都被拒諸門外，就似乎誇啲囉！
就此事我問過駐當地工作嘅玩家，對方表示某啲大型夜總會的確唔憂做，一晚生意額上落十幾萬人仔都不足為奇，玩家話：「單係門外兩排知客，十幾個扮泊車嘅便衣保安就知猛料啦！假如你牛記笠記仲同對方嘈，班保安就會即時做嘢！」據玩家表示，中大型夜總會已謝絕一切休閒服飾，就算你戴隻「鑽勞」喺手都冇面畀，奇怪係有生意點解唔做？玩家就解釋：「呢個係心理問題，中國人鍾意虛榮，愈難入就顯得愈矜貴，佢哋為面子，千金散盡都要入到場為止，最後夜場咪一樣賺盡。仲有嘅係，你幫襯唔到貴場，再去低一級嘅細場，查實不少又係佢哋『集團』，左右手都賺你錢，你走得甩咩？」
撰文：大軍