曼玉姐雖然已經上咗年紀，但係其白滑肌膚經常深得美容品牌欣賞，因此不時都見佢擔任美容產品代言人，作為其影迷一定好開心。不過，曼玉姐其實令我哋中國男兒好傷心，因為成日都畀人影到佢同洋漢拍拖。然而，大家又唔好失望住，因為我哋中國仲有一位小曼玉！佢就係比前者更青春、更活潑，兼且更好身材嘅李依馨喇！
李依馨係八十後新進女演員，由於樣子美艷得嚟又高貴，而且極具氣質，加上演技唔差，所以被人稱之為「小曼玉」。李依馨參加過嘅電影同電視劇都有唔少，最近於新劇《鑽石豪門》之中，佢嘅演出亦受到高度評價，可以稱得上極具潛質。當然，睇李依馨嘅電視劇演出固然係好，但係睇佢嘅寫真則更佳，因為李依馨對身材絕不吝惜，成日都大露事業線同誘人美腿，大家如果想更了解李依馨，就唔好錯過佢嘅博客喇！
撰文：賢