財爺終轉軚，承諾回水兼退稅，可喜可賀！雖然有學者話回水唔會刺激本地通脹，但就有可能會激起四仔通脹，事關美國索爆脫星Kiara Diane呢期喪出四仔，驚喜連場，四仔迷唔搶爆至奇！
照慣例，一線脫星通常每月有一新作，到年終再加多兩部精選，之不過近期脫星Kiara Diane一改慣例，單係一個二月就推出四部新作，喺剛啱嘅三月開始，又再推多兩部作品出市場，計埋其他客串角色，幾乎整個貨架都有阿妹演出。有網友話阿妹咁做即係自己打自己，但現實係有佢演出作品銷量不斷上升，證明Kiara Diane當時得令之餘更係銷量保證。阿妹好興奮話：「多謝各界支持，之所以同時間推出多部作品，全賴我屬自由身，假如我簽死一間公司，大家肯定冇咁多機會見到我演出！」Kiara Diane你袋袋平安當然開心得過，問題係四仔零售店居然囤積起你嘅四仔用嚟炒，對於我哋呢班真正用家，想睇都冇得睇囉！
不少網友表示近期要炒價至買到Kiara Diane作品，而佢為解影迷之苦，已同發行商傾好會盡快加印鹹碟應市，但另一方面，繼續有新搞作，阿妹話嚟緊要進軍3D四仔作品，現階段要操弗自己喎！「3D四仔同平面四仔分別甚巨，為咗要以最完美體態示人，現在開始要積極操弗，否則上鏡時會自暴其醜，相信暫別銀幕一段時間，希望大家體諒！」嘩！阿妹你搵到食，即使長休都冇所謂，但你出口術，唔推高舊有作品零售價至奇囉！
撰文：祖