女星Carmel Moore自認係一個獵男專家，佢嘅姣功一出，男人一定難以抗拒，所以實食無黐牙，而且佢最鍾意夜間出外獵食，畀佢睇中嘅男人，好難走得甩。又好難怪嘅，佢身材fit到爆，又姣到出汁，係男人見到都甘願做佢嘅獵物喇！
撰文：荒木
Carmel姐其實年紀都唔細，正所謂閱男無數，同佢有過一手嘅男人起碼過百，所以佢絕對唔會怕醜，見到啱食嘅男人，就行埋去喪溝，用自己天賦嘅本錢，成功獵殺咗唔少猛男。男人當然好高興，但係姊妹們見到佢就怕怕，因為驚佢連自己條仔都食埋。所以佢話自己雖然閱男無數，但係可以傾心事嘅姊妹就少之又少，有時都覺得好寂寞。「我對自己嘅身材好有信心，一般男人都對我流晒口水，所以我覺得獵男一啲難度都無，不過有時想傾心事就真係難，因為冇姊妹肯同我做朋友，佢哋見到我好似見鬼咁樣，又話我發姣，又話我大食，總之唔畀自己條仔接近我。」
佢自言人生從來唔缺乏男人，不過女人始終都需要有啲傾得埋嘅姊妹，男人要嚟砌就得，要嚟傾偈真係唔多掂，不過佢身邊嘅女人都好妒忌佢，就算係單身女，都話佢食晒啲仔，等佢冇着落，所以咪唔同佢做朋友囉！「男人上床就一流，傾心事就九流，不過冇辦法喇！個個女人都妒忌我，話我係食仔狂，唔理好醜，其實佢哋諗埋一邊，我點會係咁冇良心，食埋自己姊妹啲仔，而且我平時食得咁易，點會同佢哋爭，送埋畀佢哋食都仲得呀！所以佢哋唔同我做姊妹，真係走寶。」