無面人：最近查老婆嘅電話，發現佢嘅短訊裏面，有人叫佢做小豬豬，仲傳咗好多肉麻骨痹嘅短訊畀佢，你話我老婆佢係咪紅杏出牆呢？而我下一步應該點做好呢？
情花開：梗係要將呢對姦夫淫婦嘅醜行公諸於世啦，計我話一於玩跟蹤，揪出邊條友仔咁夠膽搶你老婆，然後貼佢大字報，令佢哋身敗名裂，咁至可一洗綠帽冤仇。
巨乳婷：計我話不如玩反面，攞部電話出嚟同你老婆吵大鑊，如果佢知錯就原諒佢一次，萬一佢不知悔改，就乘機同佢離婚，之後斗零都唔分畀佢，一於重新做人。
情中基：老婆有外遇，九成係男人唔好，一係身體差，一係冇時間，要挽救呢段感情，如果身體差就進補養生，冇時間就抽時間多陪太太，咁就唔使離婚咁大鑊啦！