一個出色嘅囡囡，其實唔單止樣靚身材正，仲要識得冧客之道，咁先至得玩家嘅歡心。好似小弟一個相熟嘅索爆囡囡咁，樣貌同身材都係一流之選，再加上佢不論猜枚、骰盅、飲酒，甚至唱歌瓣瓣都精。精於猜枚嘅意思，係指佢玩乜嘢枚都識，而骰盅更係佢嘅強項，鍾意幾時贏就幾時贏，果真係得心應手！須知道男人玩骰盅，最怕就係冇對手，囡囡玩得太差又唔想同佢玩，玩得太叻又覺得冇癮，故此呢啲識得進退嘅囡囡，就至啱玩家嘞！
至於飲酒，唔係話佢千杯不醉，而係識得同玩家吹酒評，邊隻酒好、邊隻酒乜嘢味道，佢都講得頭頭是道，對好杯中物嘅玩家嚟講，就好似遇到知音咁，你話係咪正先？講到唱歌，呢位囡囡歌喉更係好，聽佢唱歌就好似聽緊演唱會，難怪咁得玩家歡心。問囡囡精通咁多瓣，年終一定有唔少捧場客，應該好快就可以上岸。佢就笑道：「每瓣嘢我都落過唔少工夫，目的就係為咗賺多啲啫！睇番個戶口，做埋今年就可以退休。」有時真係唔好以為，囡囡瞓低就可以賺錢，查實佢哋落足心機，先至可以賺到呢啲皮肉錢咋！
撰文：大軍