今日介紹一個嚟自北京嘅美女畀大家認識，佢嘅名叫做郭書含，聽個名好似十分典雅，照計只會喺愛情小說至會出現嘅女主角名字，但佢並唔係虛擬人物，而係一名新進模特兒，未夠廿五歲，年輕貌美，而且富有時代感。
書含身高5呎10吋，絕對係做模特兒嘅好材料，而且三圍亦好均勻，上圍有34吋，腰圍就只得22吋，下圍同樣34吋，配埋超過40吋嘅修長美腿，真係企喺度唔郁都迷死人，如果要佢擺出誘人嘅動作，真係簡單嘅一舉手一投足，都會散發迷人魔力。
書含出道日子唔算耐，但所拍嘅寫真都有唔少，而喺佢嘅官方Blog裏面，就有三輯，每一輯嘅噴血度都十分驚人，真係要攞定紙巾至好欣賞，其實書含唔止咁少相，要搵齊就要花一番工夫，但睇過佢個Blog嘅朋友，相信一定會馬上搵埋其他相。
撰文：小德