呢邊廂爭取最低工資，但另一邊嘅美國四仔工業，據聞就有人爭取設立最高工時，原來大部分四仔演員都認為現時拍攝時間太長，完全冇標準可言。脫星Erin Avery更坐言起行，要求交出床上劇本至肯埋位開工喎！
向來歐美四仔界以砌幾多劑為標準，聘請男女脫星上床演出，砌得愈多，片酬當然愈高，好可惜四仔電影並非一氣呵成拍攝，為求滿足觀眾視覺，一部120分鐘嘅四仔，好可能要拍200小時才完工，以每日八粒鐘工時計，即要25日至拍得完o架！嘩！一般四仔得嗰六至七劑性戰，原來要搞咁多嘢，真係戲內1分鐘，床上10粒鐘，難怪脫星都話賺嘅錢有血有淚啦！
以上講緊嘅都只不過係傳統廠景四仔，有脫星更爆料話，一啲大型參賽四仔或戶外四仔，由於牽涉多位脫星又要顧及天氣好壞，拍攝時間更長一倍有多，奈何超時並沒有「補水」，將責任推晒畀脫星，的確好唔公道喎！所以，脫星Erin Avery決定企出嚟爭取最高工時：「我並非要搞亂四仔運作，純粹希望業界得到對等待遇而已！」
好一個對等！就以性論性，性學專家指男性進入不足三分鐘可視為早洩，咁喺四仔界要幾耐至叫太耐呢？Erin Avery認為可參考已推出市面嘅四仔作品，然後再由勞資雙方開會達成共識。阿妹解釋：「事實上一般嘅120分鐘四仔作品，有不少片段都被剪走，但導演為求保險，任何鏡頭都唔放過，要男女脫星喺床上玩齊咁多招式至放人，咁做既浪費又無恥，我認為四仔劇本之外，連床戰劇本都需要，而片酬則按性愛場面難度及時間釐定最均真！」Erin Avery呢個方法未知是否可行，但單靠佢一人之力就肯定冇人理，想變天，不妨向埃及人取經罷啦！
撰文：祖